మహాసేన రాజేశ్​పై ప్రభుత్వ వేధింపులు ఆపాలి: చంద్రబాబు

రాష్ట్రంలో ఎస్సీలకు రక్షణ లేకుండా పోయిందని తెదేపా అధినేత చంద్రబాబు మండిపడ్డారు. మహాసేన మీడియా నిర్వాహకుడు రాజేశ్​పై ప్రభుత్వ వేధింపులు ఆపాలని ఆయన డిమాండ్ చేశారు. ఎస్సీలను ఆదుకోమనటమే రాజేశ్ చేసిన తప్పా ? అని చంద్రబాబు ప్రశ్నించారు.

మహాసేన మీడియా నిర్వాహకుడు రాజేశ్​పై ప్రభుత్వ వేధింపులు ఆపాలని.. తెలుగుదేశం అధినేత చంద్రబాబు డిమాండ్ చేశారు. రాష్ట్రంలో ఎస్సీలపై దాడులు, వేధింపులు ఎక్కువయ్యాయని ఆగ్రహం వ్యక్తం చేశారు. ఎస్సీలను ఆదుకోవాలని ప్రభుత్వాన్ని కోరినందుకు.. రాజేశ్ మీద అక్రమ కేసులు పెట్టారని ఆరోపించారు. శ్రీకాకుళం రెండో పట్టణ పోలీస్ స్టేషన్​కు పిలిపించి వేధించడం దారుణమన్నారు.

రాష్ట్రంలో ఎస్సీలకు రక్షణ లేదనడానికి.. మహాసేన రాజేశ్ ఉదంతమే నిదర్శనమని చంద్రబాబు అన్నారు. పోలీసులు అతని నుంచి వాహనాలను లాక్కోవాల్సిన అవసరం ఏమొచ్చిందని మండిపడ్డారు. రాజేశ్ విషయంలో ప్రభుత్వ తీరును చంద్రబాబు తీవ్రంగా ఖండించారు. రాజేశ్​పై పెట్టిన కేసులను వెంటనే వెనక్కి తీసుకుని, వేధింపులను ఆపాలని డిమాండ్ చేశారు.

ఇవీ చూడండి