ప్రముఖ నృత్య దర్శకుడు శివశంకర్ మాస్టర్(72) కన్నుమూశారు. ఆయన మృతిపై తెదేపా అధినేత చంద్రబాబు, పార్టీ జాతీయ ప్రధాన కార్యదర్శి నారా లోకేశ్.. విచారం వ్యక్తం (chandrababu and lokesh condolences to shivashankar master) చేశారు.
సినీపరిశ్రమ కళామతల్లి ముద్దు బిడ్డను కోల్పోయిందని.. శివశంకర్ మాస్టర్ మృతి బాధాకరమని.. తెదేపా అధినేత చంద్రబాబు అన్నారు. శివశంకర్ మాస్టర్ తన నృత్యం, నటనతో లక్షలాదిమంది అభిమానులను సంపాదించుకున్నారని కొనియాడారు. భారతీయ చిత్ర పరిశ్రమలోని 10 భాషల్లో నృత్యరీతులు సమకూర్చారని చెప్పారు. 800 చిత్రాలకుపైగా డ్యాన్స్ మాస్టర్ గా పనిచేయడమే కాకుండా.. సుమారు 30 చిత్రాల్లో నటించారని గుర్తుచేశారు. 2011లో మగధీర చిత్రానికి జాతీయ పురస్కారాన్ని అందుకోవడం గర్వకారణమని అన్నారు. శివశంకర్ మాస్టర్ ఆత్మకు శాంతి చేకూరాలని కోరుకుంటూ.. ఆయన కుటుంబ సభ్యులకు ప్రగాఢ సానుభూతి తెలియజేస్తున్నట్లు తెలిపారు.