రాష్ట్రంలో ఘర్షణ పూరిత వాతావరణం: గవర్నర్​తో జీవీఎల్

రాష్ట్రంలో జరుగుతున్న పరిణామాలను గవర్నర్ బిశ్వభూషణ్​​కు వివరించినట్లు భాజపా ఎంపీ జీవీఎల్ నరసింహారావు తెలిపారు. పాలక, ప్రతిపక్ష పార్టీలు ఘర్షణ పూరిత వైఖరిని అవలంబిస్తున్నాయని గవర్నర్​కు ఫిర్యాదు చేశామన్నారు.

గవర్నర్‌ బిశ్వభూషణ్​ హరిచందన్​ను భాజపా ఎంపీ జీవీఎల్‌నరసింహారావు కలిశారు. రాష్ట్రంలో ఘర్షణ పూరిత వాతావరణం నెలకొందని.. పాలక, ప్రతిపక్ష పార్టీలు ఘర్షణ వైఖరిని అవలంబిస్తున్నాయని గవర్నర్​కు ఫిర్యాదు చేశారు. ఈ పరిస్థితులు శాంతిభద్రతలకు ప్రమాదమని వ్యాఖ్యానించారు. ఆయా పార్టీలు ఇప్పుడు వ్యాఖ్యలు దాటి.. పర్యటనలను అడ్డుకోవడం వరకు వచ్చాయని చెప్పారు.

ఇవీ చదవండి: