టికెట్​ కోసం భాజపా కార్యకర్త ఆత్మహత్యాయత్నం

గ్రేటర్​ ఎన్నికల్లో పోటీ చేసేందుకు టికెట్ ఇవ్వాలంటూ భాజపా కార్యకర్త పెట్రోల్ పోసుకుని ఆత్మహత్యాయత్నం చేశాడు. సికింద్రాబాద్ క్యాంప్ కార్యాలయం ఎదుట ఆందోళన చేపట్టాడు.

ముషీరాబాద్ నియోజకవర్గంలో అర్హులకే టికెట్లు ఇవ్వాలంటూ భాజపా కార్యకర్తలు డిమాండ్ చేశారు. సికింద్రాబాద్​లోని క్యాంప్ కార్యాలయం ముందు ఓ కార్యకర్త పెట్రోల్ పోసుకుని ఆత్మహత్యకు యత్నించాడు. వెంటనే పోలీసులు ఆ ప్రయత్నాన్ని అడ్డుకున్నారు.

పార్టీ కోసం అంకితభావంతో పనిచేసే నాయకులకు టికెట్ ఇవ్వకపోవడం ఏంటని ప్రశ్నించారు. అక్రమదందాలు చేసేవారినే ప్రోత్సహించడం ఎంతవరకు సమంజసమని భాజపా నేతలను నిలదీశారు.