తెలంగాణలోని భద్రాద్రి కొత్తగూడెం జిల్లా అశ్వాపురం మండలం మొండికుంట కాకతీయుల ప్రసిద్ధ తుమ్మలచెరువులో సుమారు మూడు క్వింటాళ్ల చేపలు మృత్యువాతపడ్డాయి. మృతి చెందిన చేపలను తుమ్మల చెరువు వద్ద పలు ప్రదేశాల్లో పారేశారు.
నెల్లిపాక మధ్య సహకార సంఘం ఆధ్వర్యంలో సుమారు 2 లక్షల చేప పిల్లలు, రాష్ట్ర ప్రభుత్వం ఆధ్వర్యంలో 7.80 లక్షల చేప పిల్లలు మొత్తం 9.80 లక్షల చేప పిల్లలను చెరువులో వేశారు. చేపలు ఎదగడంతో గత నెల నుంచి విక్రయాలు మొదలుపెట్టారు. ఈ క్రమంలోనే శనివారం చేపలను పట్టారు. వాటిల్లో కొన్నింటిని విక్రయించి.. మిగిలిన సుమారు 3 క్వింటాళ్ల చేపలను ఒక వల చిక్కంలో పెట్టి చెరువులో ఉంచారు.