స్వర్ణ ప్యాలెస్‌ ప్రమాద ఘటనలో మృతి చెందిన బాధితుల కుటుంబ సభ్యులకు ప్రభుత్వం రూ. 50 లక్షల చొప్పున చెక్‌ను అందజేసింది. మంత్రులు ఆళ్లనాని, కొడాలి నాని, వెల్లంపల్లి శ్రీనివాసరావు ఈ చెక్కులను.. విజయవాడ కలెక్టర్‌ క్యాంపు కార్యాలయంలో ఆరుగురు బాధితుల కుటుంబసభ్యులకు అందజేశారు.
మచిలీపట్నంలో మరో ముగ్గురికీ ఈ సహాయాన్ని అందిస్తామన్నారు. కందుకూరుకు చెందిన ఓ మహిళకు నేరుగా ఇంటికి చెక్కు పంపిస్తామని చెప్పారు. నిబంధనలు పాటించని కొవిడ్‌ కేంద్రాలపై చర్యలు తప్పవని మంత్రులు హెచ్చరించారు. ఈ విషయం ప్రస్తుతం కోర్టులో ఉందని.. న్యాయస్థానం ఉత్తర్వుల మేరకు చర్యలు తీసుకుంటామని చెప్పారు.
స్వర్ణప్యాలెస్ మృతుల కుటుంబసభ్యులకు పరిహారం అందజేత