cm jagan review on projects: రాష్ట్రంలోని ప్రాజెక్టులు, రిజర్వాయర్ల భద్రత, నిర్వహణపై సీఎంవో కార్యాలయ అధికారులతో ముఖ్యమంత్రి జగన్ సమీక్షించారు. రిజర్వాయర్ల భద్రత, నిర్వహణపై చర్యలు తీసుకోవాలన్న ముఖ్యమంత్రి.. నీటి ప్రాజెక్టులపై ప్రత్యేక చర్యలు తీసుకోవాలని ఆదేశించారు. రాష్ట్రంలోని అన్ని ప్రాజెక్టుల వద్ద సమగ్ర పరిశీలన చేయాలన్నారు.
ప్రాజెక్టులు, రిజర్వాయర్ల వద్ద నిర్వహణ లోపాలు సరిదిద్దాలని ఆదేశించారు. ముప్పు పరిస్థితులు రాకుండా తగిన చర్యలు తీసుకోవాలని సూచించారు. ప్రాజెక్టులు, రిజర్వాయర్ల నిర్వహణకు సిబ్బందిపై ఆరా తీసిన సీఎం.. అవసరమైన సిబ్బందిని నియమించాలని ఆదేశాలు జారీచేశారు. సిబ్బంది నియామకంపై ప్రతిపాదనలు సిద్ధమయ్యాయని అధికారులు వివరించగా.. నియామకానికి చర్యలు తీసుకోవాలని జగన్ ఆదేశించారు.