మంత్రివర్గ సమావేశం ప్రారంభం.. రాజీనామా చేయనున్న మంత్రులు !

ముఖ్యమంత్రి జగన్ అధ్యక్షతన సచివాలయంలో రాష్ట్ర మంత్రివర్గం సమావేశమైంది. కేబినెట్‌ భేటీ తర్వాత ప్రస్తుతమున్న మంత్రులు రాజీనామా చేయనున్నట్లు తెలుస్తోంది. రాజీనామా సమర్పణకు ఖాళీ లెటర్ హెడ్‌లతో మంత్రులు సమావేశానికి హాజరయ్యారు.

వైకాపా అధికారంలోకి వచ్చిన అనంతరం ఏర్పడిన తొలి కేబినెట్​.. చివరి సమావేశం ప్రారంభమైంది. ముఖ్యమంత్రి జగన్ అధ్యక్షతన జరుగుతున్న ఈ భేటీలో.. అజెండాలోని 36 అంశాలను చర్చించనున్నారు. కేబినెట్ సమావేశం అనంతరం 25 మంది మంత్రులు రాజీనామా చేసే అవకాశం ఉన్నట్లు తెలుస్తోంది. రాజీనామా సమర్పణకు ఖాళీ లెటర్ హెడ్‌లతో మంత్రులు సమావేశానికి హాజరయ్యారు. ఇప్పుడున్న మంత్రుల్లో ముగ్గురు లేదా నలుగురిని తిరిగి కేబినెట్​లోకి తీసుకునే అవకాశం ఉంది. ఈనెల 11న కొత్త మంత్రిమండలి ప్రమాణస్వీకార కార్యక్రమం జరగనుంది.

కేబినెట్ అజెండాలోని ముఖ్యాంశాలు..

• మిల్లెట్ మిషన్ పాలసీకి ఆమోదం తెలియజేయనున్న కేబినెట్
• డిగ్రీ కాలేజీల్లో టీచింగ్, నాన్ టీచింగ్ పోస్టుల భర్తీకి ఆమోదం తెలపనున్న మంత్రివర్గం
• డిగ్రీ కళాశాలల్లో 574 పోస్టుల భర్తీకి గ్రీన్ సిగ్నల్
• పంచాయతీరాజ్ చట్ట సవరణ ఆర్డినెన్స్‌కు ఆమోదం తెలపనున్న కేబినెట్
• ఏపీ టూరిజం కార్పొరేషన్‌కు 6 ఎకరాలు ఉచితంగా కేటాయించే ప్రతిపాదన
• రాజమహేంద్రవరంలో హోటల్ కమ్ కన్వెన్షన్ సెంటర్‌కు స్థల ప్రతిపాదన
• ఐదు జిల్లాల్లో ఆస్పత్రుల నిర్మాణానికి భూకేటాయింపుల ప్రతిపాదన
• హెల్త్‌ హబ్‌ పథకం కింద ఆస్పత్రుల నిర్మాణానికి భూకేటాయింపులు
• ఆస్పత్రులకు భూకేటాయింపులపై ఆమోదం తెలపనున్న కేబినెట్‌
• రాజమహేంద్రవరం, కర్నూలు, విజయనగరం జిల్లాల్లో ఆస్పత్రులు
• అనంతపురం, శ్రీకాకుళం జిల్లాల్లో హెల్త్ హబ్ పథకం కింద ఆస్పత్రులు
• కర్నూలు జిల్లా కొలిమిగుండ్లలో పారిశ్రామిక పార్కుకు 82 ఎకరాల కేటాయింపు ప్రతిపాదన
• రాష్ట్రంలో కొత్త రెవెన్యూ డివిజన్లకు ఆమోదం తెలపనున్న కేబినెట్
• కొన్నిచోట్ల మార్పుచేర్పులకు ఆమోదం తెలపనున్న కేబినెట్
• జడ్పీల కాలపరిమితి ముగిసే వరకు కొనసాగించేందుకు చట్ట సవరణకు నిర్ణయం
• పంచాయతీరాజ్ చట్ట సవరణ ఆర్డినెన్స్‌కు ఆమోదం తెలపనున్న కేబినెట్

ఇదీ చదవండి: నేడు మంత్రుల రాజీనామా.. 11న కొత్త మంత్రుల ప్రమాణ స్వీకారం