ఇంద్రకీలాద్రిపై అన్నదాన కార్యక్రమం పునః ప్రారంభం

ఇంద్రకీలాద్రిపై అన్నదాన కార్యక్రమాన్ని పునః ప్రారంభించారు. కరోనా సమయంలో నిలిపేసిన ఈ కార్యక్రమాన్ని తిరిగి నిర్వహిస్తున్నట్లు ఆలయ పాలకమండలి పేర్కొంది.

విజయవాడలోని దుర్గామల్లేశ్వర స్వామివార్ల దేవస్థానం ఆధ్వర్యంలో అన్నదాన కార్యక్రమాన్ని పునః ప్రారంభించారు. మల్లికార్జున స్వామి మహా మండపం రెండో అంతస్తులో నిర్వహిస్తున్నారు. అమ్మవారి దర్శనానికి వచ్చే భక్తులు కొవిడ్​ నిబంధనలు పాటిస్తూ.. అన్నప్రసాదం స్వీకరించేలా ఏర్పాట్లు చేశామని పాలమండలి పేర్కొంది.

ఆలయ పాలక మండలి చైర్మన్ పైలా సోమినాయుడు, కార్యనిర్వహణాధికారి ఎం.వి.సురేశ్​ బాబు ఇతర పాలకమండలి సభ్యులు అన్నప్రసాదం కార్యక్రమాన్ని ప్రారంభించారు. కరోనా సమయంలో దీనిని నిలిపివేశారు. ఆ తర్వాత అమ్మవారి దర్శనానికి వచ్చే వారికి.. అన్నప్రసాదం ప్యాకెట్ల రూపంలో అందిస్తూ వచ్చారు. ఇప్పుడు మళ్లీ మునుపటిలా నిర్వహిస్తామని ఆలయాధికారులు తెలిపారు.

ఇదీ చదవండి:మార్చి నుంచి ఆర్జిత సేవలకు భక్తులకు అనుమతి