ఆంధ్రప్రదేశ్ ప్రభుత్వ ఉద్యోగుల సంఘం(ఏపీజీఈఏ) గుర్తింపును ప్రభుత్వం తక్షణమే రద్దు చేయాలని ఏపీ జేఏసీ అమరావతి ఛైర్మన్ బొప్పరాజు వెంకటేశ్వర్లు డిమాండ్ చేశారు. బుధవారం విజయవాడలో ఏపీ జేఏసీ అమరావతి రాష్ట్ర కార్యనిర్వాహక సమావేశం నిర్వహించారు.
30 ఏళ్లుగా ఉన్న సంఘాలకు గుర్తింపు ఇవ్వని ప్రభుత్వం... ఆంధ్రప్రదేశ్ ప్రభుత్వ ఉద్యోగుల సంఘానికి కేవలం 30 రోజుల్లో గుర్తింపు ఇవ్వడంపై పలు అనుమానాలు ఉన్నాయని బొప్పరాజు వెంకటేశ్వర్లు అన్నారు. ఉద్యోగుల్లో చీలిక తీసుకురావడానికి ఆంధ్రప్రదేశ్ ఉద్యోగుల సంఘం అధ్యక్షుడు సూర్యనారాయణ ప్రయత్నిస్తున్నారని ఆయన ఆరోపించారు.