దసరా శరన్నవరాత్రి ఉత్సవాల సమయంలో విజయవాడకు రావడం చాలా సంతోషంగా ఉందని.. అమ్మవారి ఆశీస్సులు అందరికీ ఉండాలని కోరుకుంటున్నట్లు జబర్దస్త్ యాంకర్ రష్మీ గౌతమ్(ANCHOR RASHMI GOWTHAM) అన్నారు. విజయవాడలో ఎల్విన్ వస్త్ర దుకాణ ప్రారంభోత్సవానికి విచ్చేసిన ఆమె అభిమానులతో కాసేపు సందడి చేశారు.
వస్త్ర దుకాణ ప్రారంభోత్సవంలో అలరించిన యాంకర్ రష్మీ గౌతమ్
కరోనా ప్రభావంతో అన్ని రంగాలు కుదేలయ్యాయని..ఇప్పుడిప్పుడే ఒక్కొక్కటిగా అవి కుదుటపడుతున్నాయని అభిప్రాయపడ్డారు. ఇటువంటి సమయంలో భారీ వస్త్ర దుకాణం ప్రారంభోత్సవానికి విజయవాడకు రావడం సంతోషకర విషయమన్నారు. ఓటీటీ, థియేటర్ ఏదైనా నటులు ప్రేక్షకులకు దగ్గరవ్వాలనే కోరుకుంటారన్నారు. కరోనా ప్రభావం సినిమా రంగంపై కూడా పడిందని..ఇపుడిప్పుడే థియేటర్లలో సినిమాలు విడుదల అవుతున్నాయన్నారు. ప్రేక్షకులకు చేరువయ్యేందుకు వేదిక ఏదైనా ఒక్కటేనని..ప్రేక్షకులను అలరించడమే నటుల ప్రధాన లక్ష్యమన్నారు.