అదరహో అనిపిస్తోన్న... అమరావతి క్రాఫ్ట్స్ మేళా..

మరుగునపడుతున్న హస్తకళలకు ప్రోత్సహించేందుకు నాబార్డ్ ముందుకొచ్చింది. విజయవాడ మారిస్​స్టెల్లా ఇండోర్ స్టేడియంలో నాబార్డ్ ఆధ్వర్యంలో అమరావతి క్రాఫ్ట్స్​మేళా ఏర్పాటుచేశారు. దేశం నలుమూలల నుంచి వచ్చిన కళాకారులు తమ కళాకృతులను ఈ మేళాలో ప్రదర్శనకు ఉంచారు. ఈ ప్రదర్శన ఫిబ్రవరి 3వ తేదీ వరకు కొనసాగుతుంది.

అంతరించిపోతున్న హస్తకళలను ప్రోత్సహించి కళాకారులకు చేయూతనిచ్చేందుకు నాబార్డ్ ఆధ్వర్యంలో విజయవాడలో అమరావతి క్రాఫ్ట్స్​ మేళాను ఏర్పాటుచేశారు. మారిస్ స్టెల్లా ఇండోర్ మైదానంలో ఏర్పాటుచేసిన ప్రదర్శనను నాబార్డు చీఫ్ జనరల్ మేనేజర్ సెల్వరాజ్ మంగళవారం ప్రారంభించారు. రాష్ట్రంలోని పది జిల్లాలతో పాటు దేశంలోని వివిధ రాష్ట్రాల నుంచి వచ్చిన కళాకారులు తమ ఉత్పత్తులను స్టాల్స్​లో ప్రదర్శిస్తున్నారు. కొండపల్లి బొమ్మలు, నేత వస్త్రాలు, జనపనార సంచులు, అలంకరణ వస్తువుల ప్రదర్శన వీక్షకులను ఆకట్టుకుంటున్నాయి. ఈ ప్రదర్శన ఫిబ్రవరి మూడో తేదీ వరకు కొనసాగుతుంది.

ఇదీ చదవండి :వైభవంగా మోపిదేవి సుబ్రహ్మణ్యేశ్వర స్వామి బ్రహ్మోత్సవాలు