రోడ్డు మధ్యలో శిలాఫలకం.. ప్రమాదాలకు కారణం

విజయవాడ నగర శివారులోని నూజివీడు రహదారి డివైడర్ మధ్యలో ఏర్పాటు చేసిన శిలా ఫలకం ప్రమాదాలకు కారణమవుతుందని స్ధానికులు ఆందోళన వ్యక్తం చేస్తున్నారు. దీనిపై అధికారులు చర్యలు తీసుకోవాలని కోరుతున్నారు.

విజయవాడ-నూజివీడు రహదారిపై కిలోమీటర్ మేర సెంట్రల్ లైటింగ్​ను అధికారులు ఏర్పాటు చేశారు. వీటి ప్రారంభోత్సవానికి రోడ్డు డివైడర్ మధ్యలో శిలా ఫలకాన్ని అధికారులు ఏర్పాటు చేశారు. రాష్ట్ర హోంమంత్రి, స్థానిక ఎమ్మెల్యే చేతుల మీదుగా సెంట్రల్​ లైటింగ్​ను ప్రారంభించారు.

కండ్రికకు వెళ్ళే మలుపు వద్ద ఏర్పాటు చేసిన ఈ శిలా ఫలకం వల్ల తరుచూ ప్రమాదాలు జరుగుతున్నాయని వాహనదారులు, స్థానికులు ఆందోళన వ్యక్తం చేస్తున్నారు. ఆ శిలాఫలకం కనిపించకపోవడమే ప్రమాదాలకు కారణమని తెలుపుతున్నారు. అధికారులు దీనిపై దృష్టి సారించి చర్యలు చేపట్టాలని కోరుతున్నారు.

ఇదీ చదవండి: