హైదరాబాద్‌లోని ఛాతీ ఆసుపత్రి సూపరింటెండెంట్‌గా సేవలందిస్తున్నారు డా.మహబూబ్‌ఖాన్‌. శ్వాసకోశ వ్యాధుల నిపుణులైన ఖాన్‌.. ఛాతీ ఆసుపత్రిలో కరోనా రోగులకు చికిత్సలు అందిస్తున్నారు. ఇండోనేసియా దేశస్థులు 9 మంది ఈ వ్యాధి నుంచి కోలుకోవడంలో కీలక పాత్ర పోషించారు.
ఆయన భార్య షహనాఖాన్‌ గాంధీ ఆసుపత్రిలో చర్మవ్యాధుల నిపుణురాలు. ఆమె అక్కడ కరోనా వార్డ్‌లోనే విధులు నిర్వహిస్తున్నారు. వీరి కుమార్తె రషిఖాఖాన్‌ హౌస్‌సర్జన్‌. ఫీవర్‌ ఆసుపత్రిలో విధులు నిర్వహిస్తున్న ఆమె.. కొవిడ్‌-19 రోగులు, అనుమానితుల నమూనాలు సేకరించడం తదితర విధుల్లో వైద్యులకు సహాయంగా పనిచేస్తున్నారు.