Lover suicide: తెలంగాణలోని మహబూబాబాద్ జిల్లా దంతాలపల్లి మండలం పెద్దముప్పారం గ్రామానికి చెందిన పోలేపల్లి శరణ్య(22) అనే యువతి ఇంట్లో ఫ్యాన్కు ఉరి వేసుకుని ఆత్మహత్య చేసుకుంది. యువతి మృతికి ప్రేమ వ్యవహారమే కారణం అంటూ మృతురాలు ఇంట్లో లేఖ రాసి పెట్టింది. గ్రామానికి చెందిన ఓ యువకుడు మృతురాలు గత కొంత కాలంగా ప్రేమించుకుంటున్నారు. పెళ్లి చేసుకునే క్రమంలో వారి మధ్య మనస్పర్ధలు తలెత్తాయి. ఈ వ్యవహారంపై పెద్దమనుషుల సమక్షంలో పంచాయితీ చేశారు.
Lover suicide: సదరు యువకుడు ఆరు నెలలు గడువు పెట్టడంతో తీవ్ర మనస్తాపానికి గురైన యువతి ఇంట్లో ఎవరూ లేని సమయంలో ఉరేసుకొని ఆత్మహత్యకు పాల్పడింది. యువతి మృతికి కారణమైన యువకుడిపై కఠిన చర్యలు తీసుకొని అతని ఇంటిముందు గ్రామస్థులు, మృతురాలి బంధువులు, కుటుంబ సభ్యులు ఆందోళనకు దిగారు. విషయం తెలుసుకున్న పోలీసులు ఘటనా స్థలానికి చేరుకుని పరిస్థితిని సమీక్షిస్తున్నారు.