ప్రభుత్వ ఉద్యోగులుగా గుర్తించాలని 108 సిబ్బంది నిరసన

ఎమర్జెన్సీ మెడికల్ టెక్నీషియన్, అంబులెన్స్ డ్రైవర్​లను ప్రభుత్వ ఉద్యోగులుగా గుర్తించాలని విజయవాడ నగరంలోని గాంధీనగర్​లో ఒప్పంద ఉద్యోగులు నిరసన చేపట్టారు.

ఉచిత అంబులెన్స్​(108 ఎమర్జెన్సీ)లో పనిచేస్తున్న ఈఎంటీ పైలట్లను ప్రభుత్వ ఉద్యోగులుగా గుర్తించి... సమస్యలు పరిష్కరించాలని కోరుతూ... విజయవాడ నగరంలోని గాంధీనగర్​లో వైఎస్సార్ విగ్రహానికి వినతిపత్రం సమర్పించి నిరసన తెలిపారు. గత 13 ఏళ్ల నుంచి రోజుకు 12 గంటలు అత్యవసర వైద్య సేవలు అందిస్తున్న ఎమర్జెన్సీ మెడికల్ టెక్నీషియన్, ఎమర్జెన్సీ అంబులెన్స్ డ్రైవర్​లకు ప్రభుత్వ ఉద్యోగులుగా గుర్తింపు లేకపోవడం పట్ల ఆవేదన వ్యక్తం చేశారు. నిర్వహణ సంస్థల లాభార్జన ధ్యేయంతో.. లక్ష్యం నీరుగారుతోందని నినాదాలు చేశారు. రెండేళ్లు గడుస్తున్నా... పాత నిర్వహణ సంస్థ జీవీకే, ఈఎంఆర్​ఐ నుంచి రావాల్సిన బకాయిలు రాలేదని.. వాటిని వెంటనే చెల్లించాలని డిమాండ్ చేశారు. 108 ఎమర్జెన్సీ ఉచిత అంబులెన్స్​ వ్యవస్థను ప్రభుత్వమే నిర్వహించాలని కోరారు.

ఇదీ చదవండీ...