తితిదే ఆధ్వర్యంలో నడుస్తున్న 9 సంస్థలకు ఒకే రోజు ఐఎస్వో గుర్తింపు లభించింది. తిరుపతిలోని మాధవం యాత్రికుల వసతి సముదాయం, శ్రీ పద్మావతి మహిళా పాలిటెక్నిక్ కళాశాల, శ్రీ పద్మావతి జూనియర్ కళాశాల, శ్రీ వెంకటేశ్వర జూనియర్ కళాశాల, తితిదే అధీనంలోని కుప్పం, రాజాం, నర్సాపురం, తెలంగాణలోని మహబూబ్నగర్, బెంగళూరులోని తితిదే కల్యాణ మండపాలకు ఐఎస్ఓ గుర్తింపు లభించిందని జేఈవో బి.లక్ష్మీకాంతం తెలిపారు.
ధ్రువపత్రాలు అందజేత....
ఈవో అనిల్ కుమార్ సింఘాల్ అధ్యక్షతన అన్ని విభాగాల అధికారులు, ఐఎస్వో ప్రతినిధులతో సమావేశం నిర్వహించి సంస్థలకు వచ్చిన ధ్రువపత్రాలను ఈవో, జేఈవోలు అందుకున్నారు.
మొత్తం 10... ఇదో రికార్డు...
గతంలో విష్ణువాసం వసతి సముదాయం ఐఎస్వో గుర్తింపు సాధించింది. అన్నీ కలిపి తితిదే పరిధిలోని 10 సంస్థలు గుర్తింపు సాధించినట్లయింది. ఈ ఘనత ఓ రికార్డని అధికారులు చెబుతున్నారు.
అన్ని అంశాలు పరిగణలోకి...
ఇంటర్నేషనల్ స్టాండర్డ్ ఆర్గనైజేషన్ అధికారులు పలుమార్లు తితిదే సంస్థలను పరిశీలించారని జేఈవో లక్ష్మీకాంతం తెలిపారు. ఉన్నత నాణ్యతా ప్రమాణాలు పాటించటం వల్లనే ఈ గుర్తింపు దక్కిందన్నారు. సిబ్బంది యూనిఫాం, గుర్తింపు కార్డుల ధరింపు, భక్తులకు సౌకర్యాలు, విద్యుత్తు, నీటి సరఫరా, బెడ్ షీట్లు, పిల్లో కవర్ల మార్పు, పెయింటింగ్, ఫర్నీచర్, అన్నప్రసాదాలు, పారిశుద్ధ్యం, మౌలికసదుపాయాల వంటి ఎన్నో అంశాలను ఐఎస్వో ప్రతినిధులు పరిగణలోకి తీసుకున్నట్లు ఆయన వివరించారు.
తితిదే ఆధ్వర్యంలోని 9 సంస్థలకు ఐఎస్వో గుర్తింపు
యాత్రికులకు సౌలభ్యంగా, శుభ్రంగా, ఆధునికంగా అందుబాటులో ఉండే సంస్థలకు అందించే ఐఎస్ఓ గుర్తింపును తితిదేకి చెందిన 9 సంస్థలు ఒకే రోజు సాధించాయి.
ఒకే రోజు తితిదే 9 సంస్థలకు ఐఎస్వో గుర్తింపు
ఒకే రోజు తితిదే 9 సంస్థలకు ఐఎస్వో గుర్తింపు