కన్నుల పండువగా శ్రీవారి బ్రహ్మోత్సవాలు
తిరుమల శ్రీవారి బ్రహ్మోత్సవాలు కన్నుల పండువగా సాగుతున్నాయి. స్వామివారికి ముఖ్యమంత్రి జగన్ పట్టువస్త్రాలు సమర్పించారు. పెద్ద శేషవాహనంపై స్వామివారు ఊరేగుతున్నారు. ఈ కార్యక్రమంలో సీఎం జగన్ పాల్గొన్నారు.
పెరిగిన భక్తుల రద్దీ
బ్రహ్మోత్సవాల సందర్భంగా తిరుమలలో భక్తుల రద్దీ పెరిగింది. వైకుంఠంలోని అన్ని కంపార్టుమెంట్లు భక్తులతో నిండిపోయాయి. వైకుంఠం వెలుపల కూడా భక్తులు బారులుతీరారు. శ్రీవారి సర్వదర్శనానికి 12 గంటల సమయం పడుతుండగా...టైమ్స్లాట్ టోకెన్లు పొందిన భక్తులకు 3 గంటల సమయం పడుతోంది. ఇప్పటివరకు శ్రీవారిని 37 వేల 876 మంది భక్తులు దర్శించుకున్నారు. శ్రీవారి హుండీ ఆదాయం రూ. 2.66 కోట్లుగా అధికారులు వెల్లడించారు.