తిరుపతి పర్యటక డివిజన్‌లో 90 శాతం సేవలు పునరుద్ధరించినట్లు, ఈనెలాఖరుకు అన్ని రకాల సేవలను అందించేందుకు కార్యాచరణ సిద్ధం చేస్తున్నట్లు ఆ శాఖ నూతన డివిజనల్ మేనేజర్ ఎం.గిరిధర్‌రెడ్డి తెలిపారు. పర్యటకశాఖ నూతనంగా అందుబాటులోకి తెచ్చిన రెండు స్థానికాలయాల ప్యాకేజీల గురించి మంగళవారం ఆయన వెల్లడించారు. పర్యటకశాఖ ఆధ్వర్యంలో భక్తుల సౌకర్యార్థం ప్రతిరోజూ తిరుపతిలోని శ్రీనివాసం, విష్ణునివాసం యాత్రికుల వసతి సముదాయాల నుంచి ఉదయం 9 గంటలకు ప్రారంభమై.. సాయంత్రం 5గంటలకు తిరుపతి చేరుకునేలా స్థానిక ఆలయాల ప్యాకేజీలు ఉన్నాయని వివరించారు. భక్తుల నుంచి వచ్చిన వినతుల మేరకు ప్రతి రోజూ శ్రీకాళహస్తి- శ్రీనివాసమంగాపురం- తిరుచానూరు- కపిలతీర్థం- ఆగస్తీశ్వరాలయం సందర్శనకు ఒక్కొక్కరికి రూ.250(నాన్‌ ఏసీ బస్సు), రూ.350(ఏసీ బస్సు) ప్యాకేజీని అందుబాటులోకి తెచ్చామని చెప్పారు. కాణిపాకం- తిరుచానూరు- శ్రీనివాస మంగాపురం- కపిలతీర్థం- అగస్తీశ్వరాలయం సందర్శనకు ఒక్కొక్కరికి రూ.300(నాన్‌ ఏసీ), రూ.450 (ఏసీ బస్సు) తో ప్రత్యేక ప్యాకేజీ రూపొందించినట్లు వివరించారు.
హార్సిలీహిల్స్‌ ఆదాయం పెంపుపై దృష్టి