తిరుమల శ్రీవారి ప్రత్యేక ప్రవేశ దర్శనం కోసం టికెట్లను తితిదే విడుదల చేసింది. వీటి కొనుగోలు కోసం భక్తులు అధిక సంఖ్యలో పోటీపడ్డారు. రథసప్తమితో పాటు, ఫిబ్రవరికి సంబంధించిన మొత్తం లక్షా 10 వేల టిక్కెట్లను విడుదల చేయగా.. గంటన్నరలోనే అమ్ముడుపోయాయి. టిక్కెట్లు పొందేందుకు భక్తులు అధిక సంఖ్యలో.. తితిదే వెబ్‌సైట్ను ఆశ్రయించారు.
కరోనా ప్రభావంతో గతేడాది మార్చి నుంచి నాలుగు నెలల పాటు.. తిరుమలో శ్రీవారి దర్శనాన్ని అధికారులు పూర్తిగా నిలిపివేశారు. ప్రస్తుతం మహమ్మారి ప్రభావం తగ్గుముఖం పడుతుండడంతో.. పరిమిత సంఖ్యలో భక్తులను.. అధికారులు అనుమతిస్తున్నారు. ఆన్ లైన్ లో టికెట్లు విడుదల చేస్తున్నారు.