తిరుపతి ఉప ఎన్నిక ప్రశాంతంగా జరుగుతోంది: విజయానంద్​

తిరుపతి ఉపఎన్నికలు ప్రశాంతంగా జరుగుతున్నాయని రాష్ట్ర ముఖ్య ఎన్నికల అధికారి కె. విజయానంద్ అన్నారు. తిరుపతి పట్టణం పరిధిలో వచ్చిన ఫిర్యాదులపై తగిన చర్యలు తీసుకుంటామన్నారు.

తిరుపతి లోక్​సభ ఉప ఎన్నిక ఎటువంటి అవాంఛనీయ ఘటనలకు ఆస్కారం లేకుండా ప్రశాంతంగా జరుగుతున్నాయని రాష్ట్ర ముఖ్య ఎన్నికల అధికారి కె. విజయానంద్ వెల్లడించారు. కట్టుదిట్టమైన ఏర్పాట్ల మధ్య పోలింగ్​ ప్రశాంతంగా కొనసాగుతోందని ఆయన పేర్కొన్నారు. తిరుపతి పట్టణంలో పోలింగ్​కు సంబంధించి వచ్చిన కొన్ని ఫిర్యాదులపై పరిశీలించి వెంటనే తగిన చర్యలు తీసుకోవాల్సిందిగా ఎన్నికల రిటర్నింగ్ అధికారి, పోలీస్ అధికారులను ఆదేశించినట్లు వెల్లడించారు. సచివాలయం నుంచి వెబ్ కాస్టింగ్ ద్వారా పోలింగ్ సరళిని సీఈఓ విజయానంద్ పరిశీలించారు.

ఇదీ చదవండి: నకిలీ ఓట్లు వేసేవారిపై కఠిన చర్యలు తీసుకోండి: సీఈవో విజయానంద్‌