తిరుపతి వేదికగా దక్షిణాది ప్రాంతీయ మండలి సమావేశం ప్రారంభమైంది(Southern Zonal Council Meeting news). కేంద్ర హోంశాఖ మంత్రి అమిత్ షా అధ్యక్షతన మధ్యాహ్నం 3 గంటలకు ప్రారంభమైన ఈ భేటీ.. రాత్రి 7 వరకు కొనసాగనుంది. ఈ సమావేశానికి దక్షిణాది రాష్ట్రాల ముఖ్యమంత్రులతో పాటు.. మంత్రులు, ఉన్నతాధికారులు హాజరయ్యారు. ముఖ్యమంత్రి జగన్ ప్రారంభ ఉపన్యాసం చేశారు. అజెండా సమావేశాలను అంతర్రాష్ట్ర వ్యవహారాల కార్యదర్శి ప్రవేశపెట్టగా.. అమిత్ షా ముగింపు ఉపన్యాసం చేయనున్నారు.
దక్షిణాది ప్రాంతీయ మండలి సమావేశం ప్రారంభం
అజెండాలో మొత్తం 26 అంశాలు ఉండగా.. గత సమావేశ నిర్ణయాలకు సంబంధించిన 2 నివేదికలపై చర్చ జరగనుంది. తర్వాతి సమావేశ వేదిక ఖరారు సహా 24 కొత్త అంశాలపై ఈ భేటీలో చర్చ చేపడతారు.