విచిత్ర వేషధారణలు..పూజారి బడిత పూజ.. కొప్పవరం జాతరలో కోలాహలం
Koppavaram Jathara: తూర్పు గోదావరి జిల్లా అనపర్తి మండలం కొప్పవరం సత్తెమ్మ తల్లి జాతరలో భాగంగా ఆదివారం అమ్మవారు నాగదేవతగా పూజలందుకున్నారు. మేళతాళాల నడుమ అమ్మవారికి ప్రత్యేక పూజలు చేశారు. జాతరలో వివిధ రకాల వేషధారణలో పెద్ద ఎత్తున భక్తులు తరలి వచ్చి సందడి చేశారు. ఆచారంలో భాగంగా కొప్పవరంలోని పుట్ట వద్ద పూజలు చేసి తిరిగి ఆలయానికి చేరుకున్న పూజారులను ఆలయంలోకి వెళ్లకుండా విచిత్ర వేషధారణలు ధరించిన భక్తులు అడ్డుకున్నారు. భక్తులకు పూజారి బడిత పూజ చేశారు.ఇలా పూజారితో దెబ్బలు తింటే అమ్మవారి అనుగ్రహం పొందినట్లేనని నమ్మకంతో భక్తులు బడితె పూజ చేయించుకునేందుకు పోటీ పడ్డారు.