'రాష్ట్రంలో మద్యం అమ్మకాల తీరు దారుణం'

కరోనా నిబంధనలు పక్కనపెట్టి మద్యం విక్రయాలను కొనసాగిస్తున్నారని నుడా మాజీ చైర్మన్​ కోటంరెడ్డి శ్రీనివాసులురెడ్డి అన్నారు. నెల్లూరులో మద్యం దుకాణం వద్ద ఆందోళన చేపట్టారు. కరోనా సమయంలో మద్యం దుకాణాలు మూసేయాలంటూ ప్లకార్డులు చేత పట్టుకుని కార్యకర్తలు నిరసనలో పాల్గొన్నారు.

నెల్లూరు నగరం ముత్తుకూరు బస్టాండ్​ సెంటర్​ వద్దనున్న మద్యం దుకాణం వద్ద తెలుగుదేశం పార్టీ ఆందోళన చేపట్టింది. ఈ కార్యక్రమంలో నుడా మాజీ చైర్మన్​ కోటంరెడ్డి శ్రీనివాసులురెడ్డి పాల్గొన్నారు. రాష్ట్రంలో మద్యం అమ్మకాల తీరు మరీ దారుణంగా ఉందని నుడా మాజీ చైర్మన్​ అన్నారు. కరోనా నిబంధనలు పాటించకుండా మద్యం అమ్మకాలు విచ్చలవిడిగా సాగిస్తున్నారని కోటంరెడ్డి ధ్వజమెత్తారు. రాష్ట్రపతిని అవమానించేలా 'ప్రెసిడెంట్​ మెడల్​' పేరుతో మద్యం అమ్మకాలు సాగించడం దారుణమన్నారు. ఆ పేరుతో మద్యం తయారు చేసిన కంపెనీ, అనుమతించిన అధికారులపై చర్యలు తీసుకోవాలంటూ తెదేపా నేతలు ఒకటో పట్టణ పోలీసులకు ఫిర్యాదు చేశారు.

ఇదీ చదవండి :