Road accident: వేర్వేరు రోడ్డు ప్రమాదాలు.. నలుగురు మృతి

Road Accident: కృష్ణా, నెల్లూరు జిల్లాల్లో రోడ్డు ప్రమాదాలు చోటు చేసుకున్నాయి. ఈ ఘటనల్లో నలుగురు మృతి చెందారు. మరో ఆరుగురికి తీవ్ర గాయాలయ్యాయి.

Road Accident: కృష్ణా జిల్లా కంకిపాడు-గుడివాడ రోడ్డులో ఘోర రోడ్డు ప్రమాదం జరిగింది. కలవపాముల కూడలి వద్ద ఎదురెదురుగా వస్తున్న ద్విచక్రవాహనాలు ఢీకొన్నాయి. ఈ ఘటనలో ఇద్దరు అక్కడికక్కడే మృతి చెందారు. మరో ఇద్దరికి తీవ్ర గాయాలయ్యాయి. సమాచారం అందుకున్న ఉయ్యూరు రూరల్ పోలీసులు ఘటనాస్థలాన్ని పరిశీలించారు. కేసు నమోదు చేసుకుని దర్యాప్తు చేపట్టారు.

నెల్లూరు జిల్లా కావలి రూరల్ అలిగుంటపాలెం క్రాస్ రోడ్ వద్ద కారు టైరు పేలి పంట కాలువలోకి దూసుకెళ్లింది. ఈ ఘటనలో ఇద్దరు మృతి చెందారు. మరో నలుగురికి తీవ్ర గాయాలయ్యాయి. క్షతగాత్రులను కావలి ఏరియా వైద్యశాలకు తరలించారు. కేసు నమోదు చేసి దర్యాప్తు చేపట్టారు.

ఇవీ చదవండి: