ఆంధ్రప్రదేశ్

andhra pradesh

ETV Bharat / city

ఐదు రోజులుగా వాననీటిలోనే నానుతున్న కాలనీలు, పంటలు - crop loss in nellore news

పాలకులు మారుతున్నారు. ప్రభుత్వాలు మారుతున్నాయి. జిల్లా నుంచి ఎందరో ప్రముఖులు ఉన్నత స్థానాల్లో ఉన్నారు. కానీ ఏం ఉపయోగం? ఎక్కడి సమస్యలు అక్కడే.. సుమారు 10 లక్షల జనాభా ఉన్న నెల్లూరు నగరం చిన్నపాటి వర్షానికే మునకకు గురవుతోంది. పలు కాలనీలు రోజుల తరబడి నీటిలో నానుతున్నాయి. తప్పు ఎవరిదైనా... కష్టం మాత్రం సాధారణ ప్రజలదే. నాలుగైదు రోజులుగా కురుస్తున్న వర్షాలు.. నెల్లూరు జిల్లా గ్రామీణంలో రైతులను నష్టపరిస్తే... నగరంలోని పలు కాలనీల ప్రజలను కష్టపెడుతున్నాయి.

Colonies that have been in the rainwater for five days
ఐదు రోజులుగా వాననీటిలోనే నానుతున్న కాలనీలు, పంటలు

By

Published : Nov 16, 2020, 4:42 PM IST

నెల్లూరులో పరిస్థితిని వివరిస్తున్న ఈటీవీభారత్ ప్రతినిధి

నెల్లూరు నగరంలో ఉదయం నుంచి ఎడతెరిపి లేకుండా వర్షం కురుస్తుంది. వర్షం కారణంగా లోతట్టు ప్రాంతాలు జలమయమయ్యాయి. నగరంలోని పద్మావతి సెంటర్, కరెంట్ ఆఫీస్ సెంటర్, కొండాయపాలెం గేట్ పరిధిలో రోడ్లపై భారీగా నీరు చేరింది. ఫలితంగా ప్రజలు తీవ్ర ఇబ్బందులు పడుతున్నారు. ప్రధానంగా వాహనచోదకులు తీవ్ర ఇబ్బందులు ఎదుర్కొంటున్నారు.

ఐదు రోజులుగా వాననీటిలోనే నానుతున్న కాలనీలు, పంటలు

ఆత్మకూరు మున్సిపాలిటీ పరిధిలోని వెంకట్రావుపల్లి ఎస్టీ కాలనీలో మూడు రోజులుగా ఎడతెరిపిలేని వర్షం కురుస్తుంది. నీళ్లు ఇళ్లల్లోకి చేరి వంట వండుకునే పరిస్థితి లేదు. తమ ఆకలి తీర్చమని ఆత్మకూరు తహసీల్దార్ కార్యాలయం ఎదుట కేవిపీయస్ ఆధ్వర్యంలో నిరసన వ్యక్తం చేశారు. స్పందించిన తహసీల్దార్ కృష్ణప్రసాద్ 30 మందికి భోజనాలు అందించారు. కాలనీ పరిస్థితిని పరిశీలించారు. ప్రభుత్వ పరంగా సహకారం అందించేందుకు ఉన్నతాధికారులకు తెలియచేస్తామని చెప్పారు.

ABOUT THE AUTHOR

...view details