రాష్ట్రంలో ఒకే రాజధాని ఉంటే అభివృద్ధి ఒకే ప్రాంతానికి పరిమితమవుతుందని అధికార వికేంద్రీకరణ పరిరక్షణ సమితి జేఏసీ నాయకులు కర్నూలులో అన్నారు. ప్రభుత్వం ప్రకటించిన మూడు రాజధానులకు తాము మద్దతు ఇస్తున్నామని తెలిపారు. కర్నూలుకు హైకోర్టు కోసం తాము కూడా పాదయాత్ర చేసేందుకు సిద్ధంగా ఉన్నామని తెలిపారు. హైకోర్టు కోసం ఎంతవరకైనా పోరాటాలు చేస్తామని ప్రకటించారు.
'అధికార వికేంద్రీకరణ - మూడు రాజధానులు' ఏర్పాటు అనే అంశంపై ఈ నెల 15వ తేదీన కర్నూలులో సదస్సు నిర్వహిస్తున్నామని ప్రకటించారు. ఈ సదస్సులో మేధావులు, విద్యావేత్తలు, విద్యార్థి సంఘాల నాయకులు, ప్రజలు, అన్ని రాజకీయ పార్టీల నాయకులు పాల్గొని మూడు రాజధానులు అంశంపై సలహాలు, సూచనలు ఇవ్వాలని జేఏసీ నాయకులు కోరారు.