ఇక్కడ కనిపిస్తున్న ఈ వ్యక్తి పేరు వన్నూరు బాషా. ఇతనిది కర్నూలు జిల్లా బేతంచర్ల మండలం కొలుములపల్లె గ్రామం. బేతంచర్లలో వెల్డింగ్ దుకాణం ఏర్పాటు చేసుకుని జీవనోపాధి పొందుతున్నారు. 2011లో... రైల్వేస్టేషన్లో దిగి దుకాణానికి వెళుతుండగా... అనాథ శవం పడి ఉండటం చూశారు. అప్పటికే శరీర భాగాలు ఎలుకలు కొరికి ఉండటం గమనించారు. ఇలాగే వదిలేస్తే... జంతువులు పీక్కుతినే అవకాశం లేకపోలేదని భావించి... స్నేహితుల సహకారంతో అంత్యక్రియలు చేశారు. నాటి నుంచి నేటి వరకు 70కి పైగా మృతదేహాలకు అంత్యక్రియలు నిర్వహించి ఔదార్యం చాటుకున్నారు. ఔరా అనిపించుకున్నారు.
2017లో స్థాపన..
తాను చేసే సేవా కార్యక్రమాల కోసం ఓ వేదిక ఉండాలన్న ఉద్దేశంతో... 2017 అక్టోబర్లో 'ఆ నలుగురు' స్వచ్ఛంద సంస్థను ఏర్పాటు చేశారు. ఓ కమిటీని ఎన్నుకున్నారు. ఇందులో 15 మంది సభ్యులు ఉన్నారు. మరో 15 మంది మద్దతుదారులు సహాయ సహకారాలు అందిస్తున్నారు. బేతంచర్ల పట్టణం సహా మండలంలో ఏ గ్రామంలో అనాథ శవాలు ఉన్నా... వెళ్లి వారి అంత్యక్రియలు చేస్తూ... సేవా నిరతిని చాటుతున్నారు. కరోనా కష్టకాలంలో సొంత బంధువులే.... చనిపోయినవారిని తాకటానికి ఇష్టపడటం లేదు. అలాంటి పరిస్థితుల్లోనూ... పది మందికి అంత్యక్రియలు నిర్వహించారు.. బాషా.
సొంత డబ్బులతోనే సేవలు...