తూర్పు గోదావరి జిల్లా కాకినాడ మత్స్యశాఖ జేడీ కార్యాలయంలో ఇరు వర్గాల మత్స్యకారుల మధ్య ఘర్షణ జరిగింది. భైరవపాలెం, కాకినాడ జాలరులకు చేపల వేట అంశంలో విబేధాలు ఉన్నాయి. వీటిని పరిష్కరించేందుకు అధికారులు సమావేశం ఏర్పాటు చేశారు.
కాకినాడ జట్టులో భైరవపాలెం మత్య్సకారుల్ని అనుమతించకూడదని చర్చ జరుగుతున్న సమయంలో.. ఇరు వర్గాల మధ్య మాటా మాటా పెరిగి, వాగ్వాదానికి దిగారు. ఒకరిపై ఒకరు చేయి చేసుకున్నారు. పరిస్థితి ఉద్రిక్తంగా మారడంతో పోలీసులు జోక్యం చేసుకుని ఇరువర్గాలకు నచ్చజెప్పారు.