వైభవంగా ఉరుసు ఉత్సవాలు

కడప జిల్లా పెద్ద దర్గాలో ఉరుసు ఉత్సవాలు ఘనంగా సాగుతున్నాయి. ఆదివారం రాత్రి కవ్వాలి నిర్వహించగా... ఈ వేడుకకు భక్తులు అధిక సంఖ్యలో హాజరయ్యారు. అవాంఛనీయ ఘటనలు జరగకుండా పోలీసులు బందోబస్తు నిర్వహించారు.

ప్రసిద్ధిగాంచిన కడప పెద్ద దర్గా ఉరుసు ఉత్సవాలు వైభవంగా సాగుతున్నాయి. ఉరుసు ఉత్సవాల్లో భాగంగా ఆదివారం రాత్రి నిర్వహించిన కవ్వాలి అందరినీ ఆకట్టుకుంది. సెలవు దినం కావటంతో ఈ వేడుకకు భక్తులు అధిక సంఖ్యలో తరలివచ్చారు. ఉరుసులో వివిధ రకాల గృహోపకరణాలకు సంబంధించిన సామగ్రిని అందుబాటులో ఉంచారు. దర్గా ఆవరణమంతా విద్యుద్దీపాలతో చక్కగా అలంకరించారు. అవాంఛనీయ ఘటనలు జరగకుండా పోలీసులు భారీ బందోబస్తు ఏర్పాటు చేశారు. ఇవాళ రాత్రి 10 గంటలకు భారీ ఎత్తున ఊరేగింపు కార్యక్రమాన్ని నిర్వహిస్తారు.

ఇదీ చదవండి: