'రాయలసీమ పౌరుషాన్ని తక్కువ అంచనా వేయొద్దు'

తెలంగాణ ప్రభుత్వం రాయలసీమ ప్రజల పౌరుషాన్ని తక్కువ అంచనా వేయవద్దని తెదేపా రాష్ట్ర సమన్వయ కార్యదర్శి గోవర్ధన్ రెడ్డి హెచ్చరించారు. శ్రీశైలం రిజర్వాయర్​ నుంచి 70 టీఎంసీల నీటిని తీసుకునే అధికారం ఆంధ్రప్రదేశ్​కు ఉందని చెప్పారు. తెలంగాణలో కృష్ణా నది మీద అనుమతులు లేకుండా నిర్మించిన ప్రాజెక్టులను నిలిపివేయాలని ఆయన డిమాండ్ చేశారు.

తెలంగాణ ప్రభుత్వం రాయలసీమ ప్రజల పౌరుషాన్ని తక్కువ అంచనా వేయొద్దని తెదేపా రాష్ట్ర సమన్వయ కార్యదర్శి గోవర్ధన్ రెడ్డి హెచ్చరించారు. న్యాయబద్ధంగా ఆంధ్రప్రదేశ్​కు రావాల్సిన మిగులు జలాలు అన్నింటిని ఉపయోగించుకునే హక్కు ఆంధ్రాకు ఉందన్నారు. కడప ప్రెస్​క్లబ్​లో ఆయన సమావేశం నిర్వహించారు. తెలంగాణలో కృష్ణా నది మీద అనుమతులు లేకుండా నిర్మించిన ప్రాజెక్టులను నిలిపివేయాలని డిమాండ్ చేశారు.

ముఖ్యమంత్రి జగన్మోహన్ రెడ్డి, తెలంగాణ సీఎం కేసీఆర్​ ఇద్దరు కలిసి లాలూచిపడి తమ వ్యక్తిగత ప్రయోజనాల కోసం రాయలసీమ ప్రాంత ప్రజలను ఇబ్బందులకు గురి చేస్తున్నారని ఆరోపించారు. రాయలసీమ ప్రాంతానికి శ్రీశైలం రిజర్వాయర్ నీరు ఒక్కటే ఆధారమని పేర్కొన్నారు. శ్రీశైలం రిజర్వాయర్​ నుంచి 70 టీఎంసీల నీటిని తీసుకునే అధికారం ఆంధ్రప్రదేశ్​కు ఉందని చెప్పారు. ఈ విషయమై ఎలాంటి అభ్యంతరాలు చెప్పవద్దని ఆయన సూచించారు.

ఇదీ చూడండి:'సీఎం జగన్​ను సలహాదారులే పక్కదారి పట్టిస్తున్నారు'