కడపలో నీటమునిగిన పలు కాలనీలు
కడపలో అనేక కాలనీలను... బుగ్గవంక మరోసారి బురద మయం చేసింది. నివర్ తుపాను ప్రభావంతో అధికారులు ప్రాజెక్టు గేట్లు ఎత్తి.... దాదాపు 30 వేల క్యూసెక్కుల నీరు విడుదల చేశారు. నీటివిడుదలకు గంట ముందు మాత్రమే సమాచారం ఇచ్చారని ముంపు బాధితులు ఆవేదన చెందారు. అంత తక్కువ సమయంలో.. ఇళ్ల నుంచి వెళ్లలేక పోయామని వాపోయారు. ఇళ్లలో బురద మేటలు వేసిందని... సామాన్లు పాడయ్యాయని కన్నీటి పర్యంతమయ్యారు. బుగ్గవంక ముంపు సమస్యకు.... పరిష్కారం చూపాలని అధికారులను వేడుకుంటున్నారు.