Robbery: కడప నగరంలో రెండు ఏటీఎంలను పగలగొట్టి 41 లక్షల రూపాయలు ఎత్తుకెళ్లిన హర్యాన ముఠాను కడప జిల్లా పోలీసులు అరెస్ట్ చేశారు. ఈనెల 7న దొంగలు కడప శివారులోని కేఎస్ఆర్ఎం ఇంజినీరింగ్ కళాశాల, రామాంజనేయపురం వద్ద ఉన్న రెండు ఏటీఎంలను కొల్లగొట్టారు. తెల్లవారుజామున గ్యాస్ కట్టర్లతో తొలగించి.. కేవలం నిమిషాల్లోనే రూ.41 లక్షలు కాజేశారు.
కేసు నమోదు చేసుకున్న పోలీసులు.. నిందితుల కోసం 4 బృందాలను రంగంలోకి దించారు. ఈ బృందాలు.. హరియాణా, రాజస్థాన్, దిల్లీకి వెళ్లినట్లు జిల్లా ఎస్పీ అన్బురాజన్ తెలిపారు. హరియాణాకు చెందిన ప్రధాన నిందితులు ఇద్దరిని పట్టుకున్నామని వెల్లడించారు.
నిందితుల నుంచి రూ.9.5 లక్షల నగదు, 2 నాటు తుపాకులు, 20 కిలోల గంజాయి, 40 మద్యం బాటిళ్లు, గ్యాస్ కట్టర్, రెండు నిచ్చెనలు, అత్యాధునికమైన పరికరాలు స్వాధీనం చేసుకున్నట్టు వెల్లడించారు.