'సీఎం జగన్​పై బురదజల్లడం మంచిది కాదు'

ప్రతిపక్ష నేత చంద్రబాబు హైదరాబాద్​లో కూర్చొని కాలక్షేపానికి టెలికాన్ఫరెన్స్​లు పెట్టి... ప్రభుత్వంపై విమర్శలు చేస్తున్నారని ప్రభుత్వ చీఫ్​విప్ శ్రీకాంత్ రెడ్డి విమర్శించారు. ప్రజల్లో విశ్వసనీయత కోల్పోయారనే విషయాన్ని చంద్రబాబు ఇప్పటికైన గుర్తించాలని పేర్కొన్నారు.

రాష్ట్రానికి మూడు వందల కిలోమీటర్ల దూరంలో ఉన్న చంద్రబాబు... ఇక్కడ ప్రజల భౌతిక దూరంపై మాట్లాడటం సిగ్గుచేటని... ప్రభుత్వ చీఫ్​విప్ శ్రీకాంత్ రెడ్డి విమర్శించారు. హైదరాబాద్​లో కూర్చొని కాలక్షేపానికి టెలికాన్ఫరెన్స్​లు పెట్టి ప్రభుత్వంపై విమర్శలు చేస్తున్నారని ధ్వజమెత్తారు.

రాష్ట్రంలో మద్యం అమ్మకాలపై మాట్లాడుతున్న చంద్రబాబు... వాటికి అనుమతించిన కేంద్రంపై ఎందుకు మాట్లాడరని ప్రశ్నించారు. చంద్రబాబు హయాంలో ఊరూరా బెల్టుషాపులు పెట్టించిన సంగతిని మరచి... మద్యపాన నిషేధం కోసం ధరలు పెంచుతున్న సీఎం జగన్​పై బురదజల్లడం మంచిది కాదని హితవుపలికారు. ప్రజల్లో విశ్వసనీయత కోల్పోయారనే విషయం ఇప్పటికైనా చంద్రబాబు గుర్తించాలి పేర్కొన్నారు.

ఇదీ చూడండి:'మద్యం షాపులు తెరవద్దు.. కరోనాను పెంచొద్దు'