ఇరవై వేల రూపాయల డిపాజిట్లు చేసిన అగ్రిగోల్డ్ బాధితులకు మార్చిలోపు నగదు తిరిగి చెల్లించాలని తెలంగాణ హైకోర్టు తీర్పు వెలువరించింది. ఈ తీర్పుపై అగ్రిగోల్డ్ కస్టమర్స్ అండ్ ఏజెంట్స్ వెల్ఫేర్ అసోసియేషన్ రాష్ట్ర ఉప ప్రధాన కార్యదర్శి చంద్రశేఖర్ రావు హర్షం వ్యక్తం చేశారు. గుంటూరులోని.. సీపీఐ జిల్లా పార్టీ కార్యాలయంలో ఆయన మాట్లాడారు.
సీపీఐ ఉద్యమ ఫలితంగా డిపాజిటర్లకు మేలు జరుగుతోందని ఆయన అన్నారు. అధికారంలోకి వచ్చిన ఆరు నెలలలోపు అగ్రిగోల్డ్ బాధితులందరికీ న్యాయం చేస్తామని ఎన్నికల సమయంలో హామీ ఇచ్చిన సీఎం జగన్.. వచ్చే మార్చిలోపు బాధితులందరికీ డబ్బులు తిరిగి చెల్లించి మాట నిలబెట్టుకోవాలన్నారు.