ప్రయాణికుల అవసరాల దృష్ట్యా గుంటూరు జంక్షన్ నుంచి కొత్తగా రెండు ప్రత్యేక రైళ్లు నడపనున్నట్లు రైల్వేశాఖ తెలిపింది. కరోనా నేపథ్యంలో అన్ని సర్వీసులను రద్దు చేసిన రైల్వే... కేవలం ముఖ్యమైన రూట్లలో ప్రత్యేక రైళ్లు మాత్రమే నడుపుతోంది. ఈ క్రమంలో గుంటూరు నుంచి రాయఘడ్ వరకు ప్రత్యేక ఎక్స్ప్రెస్ రైలు నడపాలని నిర్ణయించింది. ఈ నెల 27 నుంచి ప్రత్యేక రైలు సర్వీసు ప్రారంభం కానున్నట్లు రైల్వే అధికారులు వెల్లడించారు. గుంటూరులో రాత్రి 11.30 గంటలకు ప్రారంభమయ్యే రైలు విజయవాడ, రాజమండ్రి, విశాఖపట్నం, విజయనగరం మీదుగా రాయఘడ్ చేరుకోనుంది.
గుంటూరు జంక్షన్ నుంచి ప్రత్యేక రైళ్లు - గుంటూరు ప్రత్యేక రైళ్ల వార్తలు
ప్రయాణికుల అవసరాల దృష్ట్యా గుంటూరు జంక్షన్ నుంచి రెండు ప్రత్యేక రైళ్లు నడపనున్నట్లు రైల్వేశాఖ తెలిపింది. రాయ్ఘడ్ వరకు ఈ రైళ్లు నడుస్తాయని పేర్కొంది. ఈ నెల 27నుంచి సర్వీసులు ప్రారంభమవుతాయంది.
గుంటూరు జంక్షన్ నుంచి ప్రత్యేక రైళ్లు
ఇక గుంటూరు నుంచి సికింద్రాబాద్ కు ప్రస్తుతం నడుస్తున్న సర్వీసులకు అదనంగా మరో సూపర్ ఫాస్ట్ ఎక్స్ ప్రెస్ నడపనున్నట్లు అధికారులు ప్రకటించారు. ఈనెల 26వ తేదిన ఈ రైలు ప్రారంభం కానుంది. సికింద్రాబాద్ నుంచి ఉదయం 7.45 గంటలకు ప్రారంభమై... మధ్యాహ్నం 2.25కు గుంటూరు స్టేషన్ చేరుకుంటుంది. అదే రైలు గుంటూరు నుంచి మధ్యాహ్నం 3గంటలకు ప్రారంభమై రాత్రి 9.50 గంటలకు సికింద్రాబాద్ కు వెళ్తుందని అధికారులు ఓ ప్రకటనలో తెలిపారు. విజయవాడ, ఖమ్మం, వరంగల్, ఖాజీపేట మీదుగా సికింద్రాబాద్ వరకు ఈ సర్వీసు నడవనుంది.
ఇదీ చదవండి:గుంటూరు జిల్లా కలెక్టర్, మాచర్ల సీఐపై ఎస్ఈసీ చర్యలకు కారణాలేంటి?