కరోనా భయంతో ఓ వృద్ధురాలు బావిలో దూకి ఆత్మహత్య చేసుకుంది. ఈ సంఘటన గుంటూరులో జరిగింది. పాతగుంటూరు పోలీసుల కథనం ప్రకారం.. రెడ్లబజారుకు చెందిన దేవిరెడ్డి రమాదేవి (70) రెండు రోజులుగా దగ్గు, జ్వరంతో బాధపడింది.
తనకు కరోనా సోకిందనే భయంతో గురువారం అర్ధరాత్రి జెండాచెట్టు సెంటర్లోని బావిలోకి దూకి ఆత్మహత్య చేసుకుంది. శుక్రవారం ఉదయం కుటుంబసభ్యులు రమాదేవి మృతదేహాన్ని గుర్తించి పాతగుంటూరు పోలీసులకు ఫిర్యాదు చేశారు. పోలీసులు మృతదేహాన్ని ప్రభుత్వ ఆసుపత్రికి తరలించారు.