కేంద్రబడ్జెట్ వల్ల వ్యాపారవర్గాలకే లబ్ధి: డొక్కా

కేంద్ర బడ్జెట్ 2020-21 వ్యాపార వర్గాల వారికి మాత్రమే ప్రయోజనం చేకూర్చేలా ఉంది కానీ... పేద బడుగు బలహీన వర్గాల వారికి ఎటువంటి ఉపయోగం లేదని ఎమ్మెల్సీ డొక్కా మాణిక్యవర ప్రసాద్ అభిప్రాయపడ్డారు.

గుంటూరు అంబేడ్కర్ భవన్​లో 'దళిత గిరిజన కోణంలో కేంద్ర బడ్జెట్' అనే అంశంపై సమావేశం జరిగింది. ఈ కార్యక్రమానికి ముఖ్యఅతిథిగా డొక్కా మాణిక్యవరప్రసాద్ హజరయ్యారు. నూతనంగా ప్రవేశపెట్టిన బడ్జెట్​ కార్పొరేట్ కంపెనీలకు మాత్రమే లబ్ది చేకూర్చేలా ఉందని డొక్కా అన్నారు.

బడ్జెట్​ని సవరణ చేసి దళిత గిరిజనులకు మేలు చేసేలా చర్యలు తీసుకోవాలని డిమాండ్ చేశారు. ఎస్సీ, ఎస్టీ విద్యార్థులకు మరింత సాయం అందించాలన్నారు. దళిత గిరిజనులకు బడ్జెట్​లో జనాభా ప్రాతిపదికన సాయం అందించాలని... లేనిపక్షంలో కేంద్ర ప్రభుత్వంపై ఒత్తిడి తీసుకువచ్చి సాధించుకుంటామని స్పష్టం చేశారు.

ఇదీ చదవండి: