జీజీహెచ్ వైద్యబృందానికి అంతర్జాతీయ గౌరవం
శస్త్రచికిత్స పేరు వింటేనే భయం కలగడం సహజం. ఆపరేషన్‌ చేయకపోతే ప్రాణాలకే ప్రమాదం. ఇలాంటి సమయాల్లో వైద్యులిచ్చే భరోసా, ప్రవర్తించే తీరు రోగిలో ధైర్యాన్నిస్తాయి. సరిగ్గా ఇలాంటి ప్రయత్నమే చేసి ఓ అరుదైన శస్త్రచికిత్స చేశారు గుంటూరు జీజీహెచ్లో సర్జన్‌గా పనిచేస్తున్న హనుమ శ్రీనివాసరెడ్డి.
ప్రకాశం జిల్లా మార్కాపురం ప్రభుత్వాసుపత్రిలో స్టాఫ్‌ నర్సుగా పనిచేస్తున్న ఓ మహిళకు... తలలో గడ్డ ఉందని తేలింది. తక్షణమే ఆపరేషన్‌ చేసి తొలగించాలని జీజీహెచ్ వైద్యులు నిర్ణయించారు. 'ఇంట్రా ఆపరేటివ్‌ న్యూరో నేవిగేషన్‌' విధానం ద్వారా రోగి మేల్కొని ఉండగానే ఈ శస్త్రచికిత్స చేయాల్సి వచ్చింది. దీనికి ఆమె భయపడగా ధైర్యం చెప్పేందుకు కొత్తగా ఆలోచించారు డాక్టర్‌ హనుమశ్రీనివాసరెడ్డి.