వేగంగా మహమ్మారి వ్యాప్తి.. ఒక్కరోజే 1,288 కరోనా కేసులు, 5 మరణాలు

రాష్ట్రంలో కరోనా మళ్లీ కలవరపెడుతోంది. కేసుల సంఖ్య రోజురోజుకు పెరుగుతుండటం ఆందోళన కలిగిస్తోంది. ఒక్కరోజు వ్యవధిలోనే 1,288 కరోనా కేసులు, 5 మరణాలు నమోదవటంతో అధికారులు అప్రమత్తమయ్యారు. ప్రతి ఒక్కరూ కరోనా జాగ్రత్తలు, నిబంధనలు పాటించాలని సూచిస్తున్నారు.

రాష్ట్రంలో కొత్తగా 1,288 కరోనా కేసులు, 5 మరణాలు నమోదయ్యాయి. వీటితో కలిపి రాష్ట్రంలో మొత్తం కేసుల సంఖ్య 9,04,548 కు చేరింది. మరణాల సంఖ్య 7,225కు ఎగబాకింది. వైరస్ నుంచి మరో 610 మంది బాధితులు కోలుకోగా.. ప్రస్తుతం రాష్ట్రంలో 8,815 కరోనా యాక్టివ్ కేసులు ఉన్నాయి. 24 గంటల వ్యవధిలో రాష్ట్రంలో 31,116 కరోనా నిర్ధరణ పరీక్షలు నిర్వహించినట్లు వైద్యారోగ్యశాఖ వెల్లడించింది.

జిల్లాల వారీగా కరోనా కేసులు...

గుంటూరు జిల్లాలో అత్యధికంగా 311 వైరస్ పాజిటివ్ కేసులు నమోదయ్యాయి. చిత్తూరులో 225, విశాఖలో 191, కృష్ణాలో 164, నెల్లూరులో 118, ప్రకాశంలో 62, శ్రీకాకుళంలో 54, కర్నూలులో 52, విజయనగరంలో 31, తూర్పుగోదావరిలో 26, అనంతపురంలో 26, కడపలో 21, పశ్చిమగోదావరిలో 7 కరోనా కేసులు నమోదయ్యాయి.

ఆంధ్రప్రదేశ్​లో కరోనా కేసులు

ఇదీచదవండి.