'వేరే కేసు సమాచారం పొరబాటున అటాచ్ అయ్యింది'

ముఖ్యమంత్రి ఇంటి ముట్టడికి సంబంధించి టీఎన్ఎస్ఎఫ్ నేతలపై తాడేపల్లి పోలీసులు పెట్టిన కేసుపై గుంటూరు అర్బన్ ఎస్పీ వివరణ ఇచ్చారు. రిమాండ్ రిపోర్ట్ టైప్ చేసే క్రమంలో.. వేరే కేసుకు సంబంధించిన సమాచారం పొరపాటున... ఈ కేసుకు అటాచ్ అయిందని చెప్పారు.

ముఖ్యమంత్రి ఇంటి ముట్టడి ఘటనలో టీఎన్ఎస్ఎఫ్ నేతలపై తాడేపల్లి పోలీసులు పెట్టిన కేసుకు సంబంధించి.. గుంటూరు అర్బన్ ఎస్పీ అమ్మిరెడ్డి వివరణ ఇచ్చారు. ఈ కేసు ఎఫ్ఐఆర్​లో అత్యాచారయత్నం సంబంధిత సెక్షన్లు ఏమీ లేవని ట్విట్టర్​లో పేర్కొన్నారు.

రిమాండ్ రిపోర్ట్ టైప్ చేసే క్రమంలో.. పొరబాటున వేరే కేసుకు సంబంధించిన సమాచారం ఈ కేసుకు అటాచ్ అయిందని వివరణ ఇచ్చారు. అక్కడ జరిగిన ఘటనకు సంబంధించిన సెక్షన్ల కింద మాత్రమే విద్యార్థి నేతలపై కేసులు పెట్టామని ఎస్పీ స్పష్టం చేశారు.

ఇదీ చదవండి: