బాపట్ల ఎంపీ నందిగం సురేశ్​పై రాష్ట్రపతికి ఫిర్యాదు

బాపట్ల ఎంపీ నందిగం సురేశ్ ఎన్నికను రద్దు చేయాలని కోరుతూ 'దళిత్ పాజిటివ్​ మూవ్మెంట్' అనే సంస్థ రాష్ట్రపతికి ఫిర్యాదు చేసింది.

గుంటూరు జిల్లా బాపట్ల ఎంపీ నందిగం సురేశ్​పై రాష్ట్రపతితో పాటు లోక్​సభ స్పీకర్​కు ఫిర్యాదులు అందాయి. క్రైస్తవ మతంలోకి మారి కూడా ఎస్సీ రిజర్వుడు నియోజకవర్గం నుంచి పోటీ చేసి గెలిచారని ముంబయికి చెందిన "దళిత్ పాజిటివ్ మూవ్​మెంట్​'' తమ ఫిర్యాదులో పేర్కొంది.

ఫిర్యాదు లేఖ

1950 రాష్ట్రపతి ఉత్తర్వుల ప్రకారం దళిత వ్యక్తి క్రైస్తవం లేదా ఇస్లాం స్వీకరిస్తే.. ఎస్సీ హోదా ఉండదని, ఇదే అంశం ఆధారంగా ఫిర్యాదు చేసినట్లు తెలిపింది. ప్రజాప్రాతినిధ్య చట్టం-1951 ప్రకారం తప్పుడు అఫిడవిట్ దాఖలు చేసినట్లు వెల్లడించింది. దీనిపై విచారణ జరిపి.. సురేశ్ అభ్యర్థిత్వాన్ని రద్దు చేయాలని కోరింది.

బాపట్ల ఎంపీ సురేశ్​పై రాష్ట్రపతికి ఫిర్యాదు

ఇదీ చదవండి : అవినీతికి పాల్పడితే మూడేళ్ల జైలు