Girlfriend compliant: ప్రేమ పేరుతో మోసాలు, మరణాలు రోజురోజుకు పెరిగిపోతున్నాయి. తమ బాధను సెల్ఫీ వీడియో ద్వారా పంచుకుని మరీ ఆత్మహత్యలకు పాల్పడుతున్నారు కొందరు. తాజాగా గుంటూరు జిల్లాలో ఇలాంటి ఘటనే చోటు చేసుకుంది. ప్రియుడు మోసం చేశాడని ప్రియురాలు పోలీసులకు ఫిర్యాదు చేస్తే... తానే నన్ను మోసం చేసిందని సెల్ఫీ వీడియో తీసి ఆత్మహత్యకు పాల్పడ్డాడు ఓ ప్రియుడు. ఇంతకీ విషయం ఏమిటంటే...
పెళ్లైన విషయాన్ని దాచి...
Girlfriend compliant: వైకుంఠ‌పురం స‌మీప ప్రాంతానికి చెందిన ఓ యువతి తెనాలిలోని ఓ బ‌ట్ట‌ల షాపులో పని చేస్తోంది. గుంటూరు జిల్లా తెనాలి... చిన‌రావూరుకు చెందిన నంబూరి భవానీ ప్రసాద్... కారు డ్రైవ‌ర్గా పని చేస్తున్నాడు. వీరిద్దరికి రెండేళ్లక్రితం ప‌రిచ‌య‌మైంది. ప్ర‌సాద్కు పెళ్లై పిల్ల‌లు కూడా ఉన్నారు. ఈ విషయాన్ని యువతి ద‌గ్గ‌ర దాచి ఆమెతో స‌హ‌జీవ‌నం చేశాడు. కొంత కాలంగా ఆమెను దూరం పెట్టాడు. ఈ నేపథ్యంలో పెళ్లి చేసుకోవాలని నిలదీయగా నిరాక‌రించడంతో యువతి పోలీసులను ఆశ్ర‌యించింది. ప్ర‌స్తుతం ఐదు నెలల గర్భవతినని... తనకు న్యాయం చేయాలని కోరింది. గ‌తంలో గర్భం దాల్చిన తనకు బ‌ల‌వంతంగా గర్భస్రావం చేయించాడ‌ని బాధితురాలు తెలిపింది. తనను మోసం చేసిన భవానీప్ర‌సాద్‌పై చ‌ర్య‌లు తీసుకోవాల‌ని ఫిర్యాదులో పేర్కొంది.