auction for belt shop: రేపల్లె తీర ప్రాంతలో ఓ గుడిలో వేలంపాట నిర్వహించిన వీడియో ఇప్పుడు సోషల్ మీడియాలో వైరల్గా మారింది. గుడిలో వేలంపాట నిర్వహించింది, ప్రసాదానికో, పూజలందుకున్న వస్తువులకో కాదు. బెల్టుషాపునకు. బాపట్ల జిల్లా రేపల్లె మండలం లంకె వానిదిబ్బ గ్రామంలో నాటుసారా విక్రయానికి, బెల్టుషాపు కోసం బహిరంగ వేలం నిర్వహించారు. స్థానిక రాములవారి గుడిలో ఈ వేలం జరగ్గా అదే గ్రామానికి చెందిన వ్యక్తి 7 లక్షల రూపాయలకు దక్కించుకున్నారు. మద్యం అక్రమ అమ్మకాలకు వేలంపాటలు నిర్వహిస్తుంటే అధికారులు పట్టించుకోవడం లేదని భాజపా నాయకులు ఆరోపించారు. అధికారులు స్పందించి చర్యలు తీసుకోవాలని కోరారు.
బెల్టుషాపుకు గుడిలో బహిరంగ వెలం