తెదేపా గెలుపును ఎవరూ ఆపలేరు: మంత్రి కాలవ

రాయదుర్గం తెదేపా అభ్యర్థి, రాష్ట్ర మంత్రి కాలవ శ్రీనివాసులు నియోజకవర్గంలో విస్తృతంగా ప్రచారం నిర్వహించారు. ఇంటింటికి తిరుగుతూ తెదేపా ప్రభుత్వం ప్రవేశ పెట్టిన సంక్షేమ కార్యక్రమాలు వివరించారు.

ముస్లిం మైనార్టీల కోసం ప్రభుత్వం చేపట్టిన సంక్షేమ పథకాల పట్ల ప్రజలు ఎంతో సంతృప్తిగా ఉన్నారని రాయదుర్గం తెదేపా అభ్యర్థి, మంత్రి కాలవ శ్రీనివాసులు అన్నారు. అనంతపురం జిల్లా రాయదుర్గంలోని 26, 27 వార్డుల్లో ఆయన ఇవాళ ఎన్నికల ప్రచారం నిర్వహించారు. ముస్లింలు ఎక్కువగా ఉన్న ఈ వార్డులో కాలవ వెంట మైనార్టీ నేతలు తరలివచ్చారు. ప్రభుత్వం చేపట్టిన దుల్హన్​తో పాటు పలు పథకాలను ప్రజలకు వివరించారు. ప్రభుత్వం అన్ని వర్గాలకు సంక్షేమ కార్యక్రమాలు చేపట్టిందని.. అవే తమ గెలుపునకు దోహదపడుతాయని మీడియాతో కాలవ అన్నారు. రానున్న ఎన్నికల్లో తెదేపా గెలుపును ఎవరూ ఆపలేరని విశ్వాసం వ్యక్తం చేశారు.