చనిపోయి బతికింది.. ఏడుగురి జీవితాల్లో వెలుగులు నింపింది..
నవ్వుతూ..అందరినీ నవ్వించే..ఈ యువతి పేరు జన్ను శ్రీవేణి... వయస్సు(20). తెలంగాణ వరంగల్ పట్టణ జిల్లా హసన్ పర్తి మండలం.. ఇందిరాకాలనీ నివాసి. బీ ఫార్మసీ చదువుతోంది. గత నెలలో జరిగిన రోడ్డు ప్రమాదం.. శ్రీవేణిని జీవన్మృతురాలుగా చేసింది. లాభం లేదని బ్రెయిన్ డెత్ అయ్యిందని వైద్యులు చెప్పడంతో.. అవయవదాన ప్రతినిధుల సహకారంతో...శరీర అవయవాలను దాతలకిచ్చేందుకు తల్లిదండ్రులు అంగీకరించారు. రెండు కళ్లు, మూత్రపిండాలు, గుండె, ఊపిరితిత్తులు, కాలేయ భాగాలను.. అవసరమైన ఏడుగురికి ఇచ్చి వారికి కొత్త జీవితాన్ని అందించారు.