'ప్రభుత్వ తీరుతో చూసి ఉత్తరాంధ్ర భయపడుతోంది'

మూడు రాజధానుల ప్రకటనపై మాజీ మంత్రి యనమల రామకృష్ణుడు స్పందించారు. ప్రభుత్వ తీరుతో ప్రజల్లో ఆందోళన పెరుగుతోందని చెప్పారు.

రాజధాని మార్పుపై మాజీ మంత్రి, తెదేపా నేత యనమల రామకృష్ణుడు స్పందించారు. ఈ ప్రకటన వెనుక దాదాగిరి రాజకీయాల అజెండా ఉందంటూ మండిపడ్డారు. వికేంద్రీకరణ పేరుతో రాష్ట్రాన్ని నాశనం చేయాలన్నదే ముఖ్యమంత్రి లక్ష్యంగా కనిపిస్తోందన్నారు. తెదేపా హయాంలో విశాఖ కేంద్రంగా సాఫ్ట్​వేర్​ రంగాన్ని అభివృద్ధి చేశామని గుర్తు చేశారు. రాష్ట్రానికి వచ్చిన ప్రతీ పెట్టుబడిని అన్ని ప్రాంతాలకు విస్తరించామని చెప్పారు. ఉత్తరాంధ్ర కోసం చంద్రబాబు రాత్రింబవళ్లు పడిన తపనను ప్రజలు మరిచిపోరని అన్నారు. ప్రస్తుతం పరిస్థితులు చూసి ఉత్తరాంధ్ర ప్రజలు భయపడుతున్నారని... గతంలో ఫ్యాక్షన్​ భయంతోనే విజయమ్మను విశాఖ ప్రజలు ఓడించారని తెలిపారు.

ఇదీ చదవండి: