మూడు రాజధానుల బిల్లు మళ్లీ సభ ముందుకు అవసరమా?

న్యాయస్థానం, గవర్నర్ పరిధిలో ఉన్న మూడు రాజధానుల బిల్లుపై శాసనమండలి ప్రతిపక్షనేత యనమల రామకృష్ణుడు స్పందించారు. బిల్లును మళ్లీ సభ ముందుకు తీసుకురావాలన్న ప్రభుత్వ యోచనను తాము వ్యతిరేకిస్తున్నామని స్పష్టం చేశారు.

మూడు రాజధానులు బిల్లు అంశాన్ని ప్రభుత్వం మళ్లీ సభ ముందుకు తీసుకురావాలనుకోవడాన్ని...తాము వ్యతిరేకిస్తున్నట్లు శాసనమండలి ప్రతిపక్ష నేత యనమల రామకృష్ణుడు తెలిపారు. న్యాయస్థానం, గవర్నర్ పరిధిలో ఈ అంశం ఉందని గుర్తు చేశారు. దీనిపై ప్రభుత్వం మళ్లీ బిల్లు తేవాలనుకోవడం అసమంజసమని స్పష్టం చేశారు.

వారం రోజుల పాటు శాసన మండలి నిర్వహించాలని బీఏసీలో కోరామని వివరించారు. వర్చ్యువల్ విధానంలో సభ పెట్టాలని సూచించామని...దీనికి ప్రభుత్వం అంగీకరించలేదని యనమల తెలిపారు.

ఇదీ చూడండి: వైఫల్యాలు కప్పి పుచ్చుకునేందుకే.. కేసుల పేరుతో వేధింపులు: ప్రత్తిపాటి