'ప్రపంచం వణుకుతుంటే.. జ్వరం లాంటిదంటారా?'

కరోనా ప్రపంచాన్ని వణికిస్తుంటే జ్వరంలాంటిదని సీఎం జగన్​ ఎలా అంటారని తెదేపా నేత యనమల రామకృష్ణుడు తప్పుబట్టారు. సీఎం జగన్​ వైరస్​ నివారణపై మొక్కుబడిగా మాట్లాడుతున్నారని ఆగ్రహం వ్యక్తం చేశారు.

కరోనాపై ఏ మాత్రం బాధ్యత లేకుండా సీఎం మాట్లాడారని తెదేపా సీనియర్​ నేత యనమల రామకృష్ణుడు అన్నారు. కరోనాకు ప్రపంచమంతా వణుకుతుంటే జ్వరం లాంటిదని ఎలా అంటారని నిలదీశారు. ప్రజల ఆరోగ్యం పట్ల సీఎంకు ఎంత శ్రద్ద ఉందో దీనితోనే తెలుస్తుందన్నారు. భవిష్యత్​లో ఎదురయ్యే సమస్యలను ఎదుర్కొనేందుకు ఏ మాత్రం శ్రద్ద పెట్టకుండా.. మొక్కుబడిగా ఉన్నారని ఆరోపించారు. నివారణ చర్యలు చెప్పకపోగా.. నిపుణుల సలహాలు తీసుకుపోవడాన్ని యనమల తప్పుబట్టారు.

ఇదీ చదవండి:రాష్ట్రంలో 87 కరోనా పాజిటివ్ కేసులు