vice president Condolences to Sirivennela: ప్రఖ్యాత గేయ రచయిత 'సిరివెన్నెల' సీతారామశాస్త్రి(66) మృతిపై ప్రముఖులు సంతాపం వ్యక్తం చేశారు. తెలుగుపాటకు వన్నెలద్దిన మహనీయుడు.. సిరివెన్నెల అని ఉపరాష్ట్రపతి వెంకయ్యనాయుడు అన్నారు. ఆయన ప్రతిపాటా అభిమానించే వారిలో తానూ ఒకరని చెప్పారు. సిరివెన్నెల ఆత్మకు శాంతి కలగాలని కోరారు.
కలం నుంచి ఎన్నో ఆణిముత్యాలు..
ప్రఖ్యాత గీత రచయిత సిరివెన్నెల సీతారామశాస్త్రి మృతి పట్ల రాష్ట్ర గవర్నర్ బిశ్వభూషన్ హరిచందన్ సంతాపం వ్యక్తం చేశారు. సిరివెన్నెల మృతి తెలుగు చలన చిత్ర పరిశ్రమతో పాటు సాహిత్య లోకానికి తీరని లోటన్నారు. సిరివెన్నెల కలం నుంచి ఆణిముత్యాల వంటి గీతాలు జాలువారాయని కొనియాడారు. తెలుగు సినీ గేయ ప్రపంచంలో ఆయన అక్షర నీరాజనాన్ని ఎవ్వరూ మరువలేరన్నారు. తెలుగు చరిత్రలో ఆయన పాటలు, మాటలు సజీవంగా నిలిచి పోతాయని గవర్నర్ కీర్తించారు.
cm jagan Condolences to Sirivennela: విలువల శిఖరం.. - సీఎం జగన్
సిరివెన్నెల మృతిపట్ల రాష్ట్ర ముఖ్యమంత్రి జగన్ తీవ్ర సంతాపం తెలిపారు. సిరివెన్నెల మృతి తెలుగువారికి తీరని లోటన్నారు. ఆత్మకు శాంతి కలగాలని కోరుతూ.. ఆయన కుటుంబసభ్యులకు ప్రగాఢ సానుభూతిని వ్యక్తం చేశారు.
'తెలుగు సినీగేయ ప్రపంచంలో విలువల శిఖరం సిరివెన్నెల. అక్షరాలతో సిరివెన్నెల చేసిన భావ విన్యాసాలు స్థిరంగా ఉంటాయి. ఆయన ఆత్మకు శాంతి కలగాలి' - ముఖ్యమంత్రి జగన్
chandrababuCondolences to Sirivennel:సినీ రంగానికి తీరని లోటు - చంద్రబాబు
సిరివెన్నెల మృతి సినీరంగానికి తీరని లోటు అని తెదేపా అధినేత చంద్రబాబు అన్నారు. సిరివెన్నెల జీవితం నేటి యువతకు ఆదర్శమన్న ఆయన.. తన పాటలతో ప్రజల హృదయాల్లో చిరస్థాయిగా నిలిచారని తెలిపారు. సిరివెన్నెల మృతి నారా లోకేశ్ ట్విటర్ వేదికగా సంతాపం వ్యక్తం చేశారు.
Sirivennela Sitaramasastri died: ప్రముఖ గేయ రచయిత 'సిరి వెన్నెల' సీతారామశాస్త్రి(66) తుదిశ్వాస విడిచారు. ఇటీవల న్యూమోనియాతో బాధపడుతూ ఆస్పత్రిలో చేరిన ఆయన చికిత్స పొందుతూ మంగళవారం సాయంత్రం కన్నుమూశారు. సీతారామశాస్త్రి మృతితో చిత్ర పరిశ్రమలో విషాద ఛాయలు అలముకున్నాయి. కె.విశ్వనాథ్‌ దర్శకత్వంలో వచ్చిన 'సిరివెన్నెల' చిత్రంలో 'విధాత తలపున' గేయంతో తన సినీ ప్రస్థానాన్ని ప్రారంభించిన ఆయన ఆ సినిమా టైటిల్‌నే ఇంటిపేరుగా సుస్థిరం చేసుకున్నారు. 800లకు పైగా చిత్రాల్లో దాదాపు 3వేల పాటలు ఆయన హృదయ కమలం నుంచి కలంలోకి చేరి అక్షరాలై శ్రోతలను మంత్ర ముగ్ధులను చేశాయి. సినీ పరిశ్రమకు ఆయన చేసిన సేవను గుర్తించిన కేంద్ర ప్రభుత్వం 2019లో పద్మశ్రీతో సత్కరించింది.
ఇదీ చదవండి:Centre on special status for AP: ప్రత్యేక హోదా ముగిసిన అంశం.. పార్లమెంట్లో కేంద్రం
